İstifadə Şərtləri

Biz Levande-yıq — əl işi zərgərlik, dəri məmulatlar və ipək aksesuarlar hazırlayırıq və satırıq.

Bizimlə əlaqə: hello@levande.store və ya rəsmi WhatsApp xəttimiz.

Unikallıq və təbii variasiya: satdığımız aksesuarlar əl işidir. Saytdakı fotolar nümunə xarakteri daşıyır. Sizə çatan məhsulun metal tonu, təbii daşın rəngi və ya damarları, dərinin toxuması fotodan cüzi fərqlənə bilər. Bu hal qüsur sayılmır — əksinə, məhsulun həqiqi əl işi olduğunun göstəricisidir.

Qiymətlər: qiymətlər Azərbaycan Manatı (AZN) ilə göstərilir. Göstərilən qiymət yekundur, çatdırılma haqqı ödənişdən əvvəl ayrıca göstərilir.

Sifarişiniz biz tərəfdən e-poçt və ya mesajla təsdiqləndikdən sonra alış-veriş rəsmiləşdirilmiş sayılır.

Ödəniş: sifariş üzrə ödəniş tərəflər arasında razılaşdırılmış qaydada sifariş təsdiqlənərkən və ya çatdırılma zamanı həyata keçirilir.

Bakı daxilində kuryer, rayonlara isə poçt vasitəsilə çatdırılma olunur. Bütün kolleksiya aksesuarları beynəlxalq poçtla 60+ ölkəyə göndərilir.

Məhsul sizə fiziki olaraq təhvil verildiyi andan etibarən zədələnmə riski alıcıya keçir. Daşınma zamanı vurulan zərər üzrə məsuliyyəti Levande öz üzərinə götürür (Qaytarma Siyasətinə uyğun olaraq).

Fors-major: Qeyri-adi hava şəraiti, təbii fəlakətlər, poçt və ya kuryer xidmətlərində yaranan texniki/regional fors-major gecikmələr zamanı çatdırılma müddətinin uzanmasına görə Levande hüquqi və maddi məsuliyyət daşımır.

Materiallar və allergiya: aksesuarlarımızda gümüş, qızıl suyuna çəkilmiş metal, təbii daşlar, dəri və ipək istifadə olunur. Müəyyən metallara (məs. nikel) həssaslığı olan şəxslərə istifadədən əvvəl ehtiyatlı olmaq tövsiyə edilir. Aksesuarları sudan, ətirdən, kimyəvi maddələrdən və zərbədən qoruyun; hər məhsulun qulluq təlimatına əməl edin.

Kiçik detallar: bəzi aksesuarlarda kiçik hissələr (bağlama, daş, halqa) ola bilər. Boğulma riski olduğundan onları kiçik uşaqlardan uzaq saxlayın.

Məsuliyyətdən imtina: qulluq təlimatlarına əməl olunmaması nəticəsində yaranan zədələnmə, eləcə də məhsullarla təmas zamanı ortaya çıxan fərdi allergik reaksiyalara görə Levande hüquqi məsuliyyət daşımır.

Məsuliyyət həddi: Levande-nın hər hansı sifarişlə bağlı toplam hüquqi məsuliyyəti həmin sifariş üçün ödənilmiş məbləğlə sınırlanır.

Bu Şərtlər Azərbaycan Respublikasının qanunvericiliyi ilə tənzimlənir.

Yaranan hər hansı narazılıqla bağlı hello@levande.store ünvanına yazmağınızı xahiş edirik — hər bir məsələni 5 iş günü ərzində müştəri xeyrinə və səmimiyyətlə həll edirik.

Saytda yerləşdirilən bütün fotoşəkillər, loqo, məhsul dizaynları, əl işləri və mətnlər Levande-ya məxsusdur. Müəllifin yazılı razılığı olmadan hər hansı kommersiya və ya digər məqsədlərlə kopyalanması, yayılması və istifadəsi qəti qadağandır.